ഇരിങ്ങാലക്കുട: താണിശ്ശേരി ഹൈനസ് ആര്‍ട്‌സ് & സ്‌പോര്‍ട്‌സ് ക്ലബ്ബിന്റെ ഒന്നാം വാര്‍ഷികാഘോഷവും ‘എന്റെ നാടിനൊരു മരം ‘ പദ്ധതിയുടെ രണ്ടാംഘട്ട ഉദ്ഘാടനവും വിഷന്‍ ഇരിങ്ങാലക്കുട ചെയര്‍മാന്‍ ജോസ് ജെ ചിറ്റിലപ്പിള്ളി നിര്‍വ്വഹിച്ചു.’ആദരണീയം ‘ പരിപാടിയില്‍ കാറളം പഞ്ചായത്ത് വൈസ് പ്രസിഡണ്ട് അംബിക സുഭാഷ് സിവില്‍ സര്‍വ്വീസ് പരീക്ഷയില്‍ 58-ാം റാങ്കു നേടിയ ഹരി കല്ലിക്കാട്ടിനേയും പ്ലസ് ടു, എസ്.എസ്.എല്‍.സി പരീക്ഷയില്‍ ഉന്നത വിജയം കരസ്ഥമാക്കിയവരേയും ആദരിച്ചു.താണിശ്ശേരി 10-ാം വാര്‍ഡ് മെമ്പര്‍ വി.ജി.ശ്രീജിത്ത് പുസ്തക വിതരണം നടത്തി.വിബിന്‍ പി.കെ അദ്ധ്യക്ഷത വഹിച്ച ചടങ്ങില്‍ സനില്‍ സത്യന്‍ സ്വാഗതവും ക്ലബ്ബ് പ്രസിഡണ്ട് ഹരികൃഷ്ണന്‍ പി.യു നന്ദിയും പറഞ്ഞു.വേള്‍ഡ് ഫോട്ടോഗ്രാഫി അസോസിയേഷന്‍്‌റെ മികച്ച ഫോട്ടോഗ്രാഫി പരാമര്‍ശം നേടിയ ശ്യാം സത്യനെ ക്ലബ്ബ് സെക്രട്ടറി നിപിന്‍ എം.എം ആദരിച്ചു.തുടര്‍ന്ന് കോമഡി ഉത്സവം ഫെയിം പ്രഗേഷ് മേപ്പുറത്ത് അവതരിപ്പിച്ച വണ്‍മാന്‍ ഷോയും കുട്ടികളുടെ കലാപരിപാടികളും അരങ്ങേറി.
