മുരിയാട്: ഗ്രാമ പഞ്ചായത്ത് വിദ്യാഭ്യാസ-ആരോഗ്യ സ്ഥിരം സമിതി അധ്യക്ഷയായി കോണ്‍ഗ്രസിലെ ഗംഗാദേവി സുനില്‍ എതിരില്ലാതെ തെരഞ്ഞെടുക്കപ്പെട്ടു.പഞ്ചായത്തിലെ ഒമ്പതാം വാര്‍ഡില്‍ നിന്നുള്ള അംഗമാണ്. കോണ്‍ഗ്രസിലെ ധാരണ പ്രകാരം സ്ഥിരം സമിതി അധ്യക്ഷയായിരുന്ന മോളി ജേക്കബ് രാജിവച്ചതിനെ തുടര്‍ന്നാണ് പുതിയ തെരഞ്ഞെടുപ്പ് വേണ്ടി വന്നത്. തെരഞ്ഞെടുപ്പിന് മുകുന്ദപുരം സഹകരണ ഓഡിറ്റ് അസിസ്റ്റന്റ് ഡയറക്ടര്‍ ഭരണാധികാരിയായിരുന്നു.
കോണ്‍ഗ്രസ് മണ്ഡലം സെക്രട്ടറി, മഹിളാ കോണ്‍ഗ്രസ് ബ്ലോക്ക് സെക്രട്ടറി, ദളിത് കോണ്‍ഗ്രസ് ബ്ലോക്ക് സെക്രട്ടറി എന്നീ നിലകളിലും പ്രവര്‍ത്തിക്കുന്നുണ്ട്
