ഇരിങ്ങാലക്കുട- സെന്റ്.ജോസഫ്‌സ് കോളേജില്‍ പ്രിന്‍സിപ്പലായി ഡോ.സി. ഇസബെല്‍ ജൂണ്‍ ഒന്നിന് ചുമതലയേല്‍ക്കും. തൃശൂരിനടുത്ത് ചൊവ്വൂര്‍ സ്വദേശിയായ സിസ്റ്റര്‍, തൃശൂര്‍ സെന്റ് മേരീസ് കോളേജില്‍ നിന്നു പ്രീഡിഗ്രിയും ഇരിങ്ങാലക്കുട സെന്റ്.ജോസഫ്‌സ് കോളേജില്‍ നിന്നു മാത്തമാറ്റിക്‌സില്‍ B Sc യും MSc യും മദ്രാസ് യൂണിവേഴ്‌സിറ്റിയില്‍ നിന്നും MCA യും പാസ്സായ സിസ്റ്റര്‍, ട്രിച്ചി സെന്റ്.ജോസഫ്‌സില്‍ നിന്നാണ് M.Phil പാസ്സായത്. കേരള യൂണിവേഴ്‌സിറ്റിയില്‍ Dr. അച്ചുത്ശങ്കറിന്റെ കീഴിലാണ് ഡോക്ടറേറ്റ് നേടിയത്.
ചൊവ്വൂരിലെ അദ്ധ്യാപകദമ്പതികളായ ശ്രീ പി.പി.ആന്റണിയുടെയും ട്രീസയുടെയും മകളും കാലിക്കറ്റ് സര്‍വ്വകലാശാലാ ക്രിസ്ത്യന്‍ ചെയര്‍ ഡയറക്ടര്‍ ഫാ.പോള്‍ പുളിക്കന്റെ സഹോദരിയുമാണ്. റീന, ജോസഫ്, ഫ്രാന്‍സിസ്, ജോണ്‍ എന്നിവരാണ് മറ്റു സഹോദരങ്ങള്‍.
