ഇരിങ്ങാലക്കുട : വ്യാഴാഴ്ച്ച വൈകീട്ട് ഉണ്ടായ കനത്ത മഴയില്‍ കൂടല്‍മാണിക്യം ഉത്സവത്തിന്റെ ഭാഗമായി നിര്‍മ്മിച്ച ദീപാലങ്കാരം ഒടിഞ്ഞ് വീണത് പുനര്‍നിര്‍മ്മാണം ആരംഭിച്ചു.നേരത്തേ നിശ്ചയിച്ച പ്രകാരം വെള്ളിയാഴ്ച്ച വൈകീട്ട് 6 മണിയക്ക് തന്നേ ചാലക്കുടി എം പി ഇന്നസെന്റ് ദീപാലങ്കാരം ഉദ്ഘാടനം ചെയ്യുമെന്ന് ദേവസ്വം ചെയര്‍മാന്‍ യു പ്രദീപ് മേനോന്‍ അറിയിച്ചു.കഴിഞ്ഞ ദിവസം ഉദ്ഘാടനം ചെയ്ത എക്‌സിബിഷന്‍ സെന്ററിന്റെ കാവടവും കാറ്റില്‍ തകര്‍ന്ന് വീണിരുന്നു.അലങ്കാര പന്തലിന്റെ ചില ഭാഗങ്ങള്‍ക്കും നാശനഷ്ടം സംഭവിച്ചു.വഴിയരികില്‍ സ്ഥാപിച്ചിരുന്ന കമാനങ്ങളും ദീപാലങ്കാരവും കാറ്റത്ത് പറന്ന് പോയിരുന്നു.
