ഇരിഞ്ഞാലക്കുട- ഇന്ത്യന്‍ കളരിപ്പയറ്റ് ഫെഡറേഷന്‍ ഡല്‍ഹിയില്‍ വച്ച് നടത്തിയ കളരിപ്പയറ്റ് ദേശീയ ചാമ്പ്യന്‍ഷിപ്പില്‍ തളിയക്കോണം കെ കെ ജി കളരി സം ഘത്തിലെ ഗായത്രി സീനിയര്‍ ഗേള്‍സ് ചവിട്ടി പൊങ്ങല്‍ വിഭാഗത്തില്‍ ഒന്നാം സ്ഥാനം നേടി .മാള വലിയപ്പറമ്പ് സ്വദേശിനിയായ ഗായത്രി കഴിഞ്ഞ രണ്ടു വര്‍ഷങ്ങളിലും ഈ വിഭാഗത്തില്‍ ഒന്നാം സ്ഥാനം നേടിയിരുന്നു.കഴിഞ്ഞ എട്ടു വര്‍ഷത്തിലധികമായി കെ കെ ജി കളരി സംഘത്തിലെ അശോകന്‍ ഗുരുക്കളുടെ ശിഷ്യയായി പരിശീലനം നടത്തി വരുന്നു.ഒരു ഐ പി എസ് ഓഫീസറാകാനാഗ്രഹിക്കുന്ന ഗായത്രി മാള ഹോളി ഗ്രെയ്‌സ് എഞ്ചിനീയറിംഗ് കോളേജിലെ സിവില്‍ എഞ്ചിനീയറിംഗ് അവസാന വര്‍ഷ വിദ്യാര്‍ത്ഥിനി കൂടിയാണ്
