ഇരിങ്ങാലക്കുട : വര്‍ത്തമാന ഇന്ത്യയില്‍ നിലനില്പിനായി അധ്വാനവര്‍ഗ്ഗം നടത്തുന്ന പോരാട്ടങ്ങളില്‍ കര്‍ഷക പ്രക്ഷോഭങ്ങള്‍ ഏറെ ശ്രദ്ധേയമാകുകയാണെന്ന് കര്‍ഷക സംഘം സംസ്ഥാന വൈസ് പ്രസിഡണ്ട് ബേബി ജോണ്‍ അഭിപ്രായപ്പെട്ടു.അഖിലേന്ത്യാ കിസാന്‍ സഭയുടെ സ്ഥാപകദിനാചരണത്തിന്റെ ഭാഗമായി ഇരിങ്ങാലക്കുട എസ് എന്റ് എസ് ഹാളില്‍ സംഘടിപ്പിച്ച ജില്ലാതല സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദേഹം.ജനകീയ ജനാധിപത്യ വിപ്ലവ പോരാട്ട പാതയില്‍ മണ്ണില്‍ പണിയെടുക്കുന്നവരുടെ വീര്യം നിറഞ്ഞ സമരങ്ങള്‍ ആവേശവും, പ്രതീക്ഷയും നല്‍കുന്നതാണെന്നും അദേഹം കൂട്ടിചേര്‍ത്തു.’ കിസാന്‍ സഭാ രൂപീകരണവും ,ഇന്നത്തെ കടമകളും ‘ എന്ന വിഷയത്തില്‍ ജില്ലാതല സെമിനാര്‍ സംഘടിപ്പിച്ചത്.ജില്ലാ വൈസ് പ്രസിഡന്റ് അമ്പാടി വേണു അദ്ധ്യക്ഷത വഹിച്ച സെമിനാറില്‍ എം എല്‍ എ പ്രൊഫ. കെ യു അരുണന്‍,പി കെ ഡേവീസ് മാസ്റ്റര്‍,എ എസ് കുട്ടി,സെബി ജോസഫ്,കെ വി രവിന്ദ്രന്‍,കെ സി പ്രേമരാജന്‍,ഉല്ലാസ് കളക്കാട്ട്,എന്നിവര്‍ സംസാരിച്ചു.പി ആര്‍ വര്‍ഗ്ഗീസ് സ്വാഗതവും,ടി ജി ശങ്കരനാരായണന്‍ നന്ദിയും പറഞ്ഞു.
