മുരിയാട് : എ കെ ജി ദിനത്തോടനുബദ്ധിച്ച് മുരിയാട് കായലിനേ മലിനമാക്കി കൊണ്ടിരിക്കുന്ന പ്ലാസ്റ്റിക്ക് മാലിന്യങ്ങള്‍ നീക്കി സി പി ഐ(എം) മാതൃകയായി.ലോകജലദിനം കൂടിയായ മാര്‍ച്ച് 22ന് സി പി ഐ(എം) പുല്ലൂര്‍ ലോക്കല്‍ കമ്മിറ്റിയുടെ നേതൃത്വത്തിലാണ് മുരിയാട് കായലിലെ പ്ലാസ്റ്റിക്ക് മാലിന്യങ്ങള്‍ നീക്കം ചെയ്യുന്ന പ്രവര്‍ത്തനങ്ങള്‍ക്ക് തുടക്കം കുറിച്ചത്.ജില്ലാപഞ്ചായത്തംഗം ടി ജി ശങ്കരനാരായണന്‍ പ്രവര്‍ത്തനം ഉദ്ഘാടനം ചെയ്തു.സി പി എം ഏരിയ കമ്മിറ്റി അംഗം കെ പി ദിവാകരന്‍ മാസ്റ്റര്‍ അദ്ധ്യക്ഷത വഹിച്ചു.സി പി എം ഏരിയ സെക്രട്ടറി കെ സി പ്രേമരാജന്‍,മുരിയാട് പഞ്ചായത്ത് പ്രസിഡന്റ് സരള വിക്രമന്‍ തുടങ്ങിയവര്‍ സംസാരിച്ചു.സി പി എം പുല്ലൂര്‍ ലോക്കല്‍ സെക്രട്ടറി ശശിധരന്‍ തേറാട്ടില്‍ സ്വാഗതവും വേളൂക്കര ഈസ്റ്റ് ലോക്കല്‍ സെക്രട്ടറി കെ കെ മോഹനന്‍ നന്ദിയും പറഞ്ഞു.സി പി എം ലോക്കല്‍ കമ്മിറ്റി അംഗം കെ എം ദിവാകരന്‍,ബ്രാഞ്ച് സെക്രട്ടറിമാരായ കെ സി രണദിവൈ,സുധി കുമാര്‍,രഘുകുമാര്‍ മധുരക്കാരന്‍,ലോക്കല്‍ കമ്മിറ്റി അംഗം സജയന്‍ കാക്കനാട് തുടങ്ങിയവര്‍ നേതൃത്വം നല്‍കി.
