ഗ്രീന്‍ പുല്ലൂര്‍ ജൈവ കാര്‍ഷികഗ്രാമം പദ്ധതിക്ക് തുടക്കമായി
ഗ്രീന്‍ പുല്ലൂരിന്റെ ഭാഗമായി പുല്ലൂര്‍ സര്‍വ്വീസ് സഹകരണ ബാങ്ക് നടപ്പിലാക്കുന്ന ജൈവ കാര്‍ഷിക ഗ്രാമം പദ്ധതിക്ക് മുരിയാട് പഞ്ചായത്ത് 8-ാം വാര്‍ഡിലെ ഗ്രീന്‍ ലാന്‍ഡില്‍ തുടക്കമായി.പ്രൊഫ.കെ യു അരുണന്‍ എം എല്‍ എ പദ്ധതി ഉദ്ഘാടനം ചെയ്തു.മുരിയാട് ഗ്രാമ പഞ്ചായത്ത് പ്രസിഡന്റ് ശ്രീമതി സരള വിക്രമന്‍ അധ്യക്ഷ ആയിരുന്നു. പുല്ലൂര്‍ സര്‍വ്വീസ് സഹകരണ ബാങ്ക് പ്രസിഡന്റ് ജോസ് ചിറ്റിലപ്പിള്ളി പദ്ധതി വിശദീകരണം നടത്തി. ജില്ലാ പഞ്ചായത്തംഗം ടി ജി ശങ്കരനാരായണന്‍ മുഖ്യാതിഥി ആയിരുന്നു.ബ്ലോക്ക് പഞ്ചായത്ത് വൈസ് പ്രസിഡന്റ് ശ്രീമതി നളിനി ബാലകൃഷ്ണന്‍ ,മുരിയാട് ഗ്രാമപഞ്ചായത്ത് സ്റ്റാന്‍ന്റിംഗ് കമ്മിറ്റി ചെയര്‍പേഴ്‌സണ്‍ കെ പി പ്രശാന്ത് ,ബാങ്ക് ഭരണ സമിതി അംഗങ്ങളായ ചന്ദ്രന്‍ കിഴക്കെ വളപ്പില്‍ ,കെ യു സജന്‍ ,ജാന്‍സി ജോസ് ,ഷിനോജ് എ വി,രാജേഷ് പി വി ,കോര്‍ഡിനേറ്റര്‍ എം വി ഗിരീഷ് എന്നിവര്‍ ആശംസകള്‍ അര്‍പ്പിച്ചു.ബാങ്ക് വൈസ് പ്രസിഡന്റ് എന്‍ കെ കൃഷ്ണന്‍ സ്വാഗതവും ,രജിനി ഗിരിജന്‍ നന്ദിയും പറഞ്ഞു.പത്ത് സ്‌ക്വാഡുകളിലായി നാനൂറില്‍പ്പരം വീടുകളില്‍ വിത്തുകളും ,വളങ്ങളും ,ലഘു ലേഖകളും വിതരണം ചെയ്തു
