ഇരിങ്ങാലക്കുട: ഫെബ്രുവരി 21 വി.കെ.മോഹനന്‍ ദിനത്തില്‍ വി.കെ.മോഹനന്‍ കാര്‍ഷിക സംസ്‌കൃതി മൂന്നാംഘട്ട ജൈവപച്ചക്കറിത്തോട്ടം സി.പി.ഐ. ജില്ലാ കമ്മിറ്റി അംഗം കെ.ശ്രീകുമാര്‍ ഉദ്ഘാടനം ചെയ്തു. മണ്ഡലം കമ്മിറ്റി അംഗം വി.കെ.സരിത അധ്യക്ഷത വഹിച്ചു. എം.സി.രമണന്‍, വി.ആര്‍.രമേഷ്, കെ.നന്ദനന്‍, എ.എസ്.ബിനോയ്, അഡ്വ.രഞ്ജിത്ത് തമ്പാന്‍, വിഷ്ണു ശങ്കര്‍ എന്നിവര്‍ സന്നിഹിതരായിരുന്നു. സി.പി.ഐ. ജില്ലാ അസി. സെക്രട്ടറിയും കിസ്സാന്‍ സഭ സംസ്ഥാന നേതാവുമായിരുന്നു വി.കെ. മോഹനന്‍. സി.പി.ഐ. ജില്ലാ ജാഥ ഇരിങ്ങാലക്കുടയില്‍ വച്ച് സമാപിക്കുമ്പോള്‍ ആ വേദിയില്‍ വച്ചായിരുന്നു സഖാവിന്റെ മരണം.
