ഇരിങ്ങാലക്കുട : ഇന്ത്യന്‍ നാഷ്ണല്‍ കോണ്‍ഗ്രസ്സ് ഇരിങ്ങാലക്കുട ബ്ലോക്ക് കമ്മിറ്റിയുടെ ആഭിമുഖ്യത്തില്‍ മുന്‍ ബ്ലോക്ക് പ്രസിഡണ്ടുമാരായിരുന്ന അമ്മനത്ത് രാധാകൃഷ്ണന്റെ ഒമ്പതാം ചരമവാര്‍ഷികവും ബേബി ജോണിന്റെ എട്ടാം ചരമവാര്‍ഷികവും സമുചിതമായി ആചരിച്ചു. രാവിലെ രാജീവ് ഗാന്ധി മന്ദിരത്തില്‍ പുഷ്പാര്‍ച്ചനയും അനുസ്മരണ സമ്മേളനവും നടന്നു. ബ്ലോക്ക് കോണ്‍ഗ്രസ്സ് പ്രസിഡണ്ട് ടിവി ചാര്‍ളിയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ കാട്ടൂര്‍ ബ്ലോക്ക് കോണ്‍ഗ്രസ്സ് പ്രസിഡണ്ട് വര്‍ഗ്ഗീസ് പുത്തനങ്ങാടി അനുസ്മരണ പ്രഭാഷണം നടത്തി. മണ്ഡലം പ്രസിഡണ്ട് ജോസഫ് ചാക്കോ, എല്‍ ഡി ആന്റാ, അഡ്വ: സുനില്‍ കോളുകുളങ്ങര, അഡ്വ: പി ജെ തോമസ്, ജസ്റ്റിന്‍ ജോണ്‍, കെ എം ധര്‍മ്മരാജന്‍, ധന്യ ജിജോ എന്നിവര്‍ സംസാരിച്ചു.
