ദേശീയ വിരവിമുക്ത ദിനത്തിന്റെ ഭാഗമായി ഇരിഞ്ഞാലക്കുട ആശുപത്രിയുടെ ആഭിമുഖ്യത്തില്‍ ക്രൈസ്റ്റ് വിദ്യാനികേതന്‍ സ്‌കൂള്‍ അങ്കണത്തില്‍ വെച്ച് സ്‌കൂള്‍ കുട്ടികള്‍ക്ക് ആല്‍ബന്‍ഡസോള്‍ ഗുളിക കൊടുക്കുന്നതിന്റെ ഉദ്ഘാടനം ഇന്ന് 10 മണിക്ക് 12-ാം വാര്‍ഡ് കൗണ്‍സിലര്‍ ബേബി ജോസ് കാട്ട്‌ള നിര്‍വഹിക്കുകയുണ്ടായി.സ്‌കൂള്‍ പ്രിന്‍സിപ്പാള്‍ ഫാ.സണ്ണി പുന്നോലിപ്പറമ്പില്‍ സി എം ഐ സ്വാഗതം ആശംസിക്കുകയും ജനറല്‍ ആശുപത്രി സൂപ്രണ്ട് ഡോ മിനി മോള്‍ അധ്യക്ഷത വഹിക്കുകയും ചെയ്തു.ജനറല്‍ ആശുപത്രി പി പി യൂണിറ്റിലെ ഫീല്‍ഡ് വിഭാഗം ജീവനക്കാരും പങ്കെടുത്തു.പി പി യൂണിറ്റിലെ പബ്ലിക്ക് ഹെല്‍ത്ത് നഴ്‌സ് എന്‍.സി മണി നന്ദി രേഖപ്പെടുത്തി
