ഇരിഞ്ഞാലക്കുട:മാപ്രാണം സെന്റ് സേവിയേഴ്‌സ് സി എല്‍പി സ്‌കൂളില്‍ 114 -ാം വാര്‍ഷികാഘോഷവും രക്ഷാകര്‍ത്തൃദിനവും ഈ വര്‍ഷം വിരമിക്കുന്ന സുലേഖ ടീച്ചര്‍ക്കും ബേബി ടീച്ചര്‍ക്കും യാത്രയയപ്പ് സമ്മേളനവും സമുചിതമായി നടത്തി.ഫ്രാന്‍സിസ്‌കന്‍ ക്ലാരിസ്റ്റ് കോണ്‍ഗ്രിഷേന്റെ ഇരിഞ്ഞാലക്കുട പ്രൊവിന്‍ഷ്യല്‍ സുപ്പീരിയര്‍ റവ .സിസറ്റര്‍ ധന്യ ബാസ്റ്റിന്‍ അധ്യക്ഷത വഹിച്ച സമ്മേളനം മാപ്രാണം ഹോളിക്രോസ് തീര്‍ത്ഥാടന ദേവാലയത്തിന്റെ റെക്ടര്‍ റവ .ഡോ.ജോജോ ആന്റണി തൊടുപറമ്പില്‍ ഉദാഘാടനം ചെയ്തു.ഇരിഞ്ഞാലക്കുട ബിപിഒ എന്‍ എസ് സുരേഷ് ബാബു വിരമിക്കുന്ന അധ്യാപകരുടെ ഫോട്ടോ അനാഛാദനവും വാര്‍ഡ് കൗണ്‍സിലര്‍ ബിജി അജയകുമാര്‍ സമ്മാനദാനവും നടത്തി.ബെഞ്ചമിന്‍ മാസ്റ്റര്‍ ,സിസ്റ്റര്‍ റോസ്മിന്‍ ,സിസ്റ്റര്‍ റോസ്മിന്‍ ,സിസ്റ്റര്‍ അമല ,ഉഷ ടീച്ചര്‍ ,വിദ്യാര്‍ത്ഥി പ്രതിനിധികള്‍ ആന്‍ റിയ സിജോ,ശ്രാവണ്‍ സി എസ് എന്നിവര്‍ ആശംസകള്‍ അര്‍പ്പിച്ചു.പി.ടി എ പ്രസിഡന്റ് എ എസ് അജിത് കുമാര്‍ ഉപകാരസമര്‍പ്പണവും നന്ദി പ്രസംഗവും നടത്തി .കുട്ടികളുടെ കലാപരിപാടികള്‍ വര്‍ണ്ണശബളമായിരുന്നു.
