ഇരിങ്ങാലക്കുട ; 2001 ലെ മികച്ച വിദേശ ചിത്രത്തിനുള്ള ഓസ്‌കാര്‍ ബഹുമതി നേടിയ ‘നോ മാന്‍സ് ലാന്‍ഡ്’ ഇരിങ്ങാലക്കുട ഫിലിം സൊസൈറ്റി ജനുവരി 26 വെള്ളിയാഴ്ച വൈകീട്ട് 6.30ന് ക്രൈസ്റ്റ് കോളേജ് ജംഗ്ഷനിലുള്ള ഓര്‍മ്മ ഹാളില്‍ സ്‌ക്രീന്‍ ചെയ്യുന്നു. 1992-95 കാലത്ത് ഒരു ലക്ഷത്തില്‍പ്പരം പേരുടെ ജീവനെടുത്ത ബോസ്‌നിയന്‍ യുദ്ധത്തെ ആധാരമാക്കി എടുത്ത ചിത്രം 42 അന്താരാഷ്ട്ര ബഹുമതികള്‍ നേടിയിട്ടുണ്ട്.ബോസ്‌നിയന്‍ – സെര്‍ബിയന്‍ അതിര്‍ത്തിയില്‍ ഇരുരാജ്യങ്ങള്‍ക്കും അവകാശപ്പെടാന്‍ കഴിയാത്ത ഭൂമിയിലാണ് കഥ നടക്കുന്നത്. ചിക്കി, സേര എന്ന ബോസ്‌നിയന്‍ സൈനികരും നോനി എന്ന സെര്‍ബിയന്‍ സൈനികനും. അതിര്‍ത്തിയിലെ ട്രഞ്ചില്‍ കുടുങ്ങിപ്പോകുന്നു. ഒരു മൈനിന് മുകളില്‍ മരണത്തെ അഭിമുഖീകരിച്ചാണ് സേര കിടക്കുന്നത്. UN പ്രൊട്ടക്ഷന്‍ ഫോഴ്‌സിന്റെയും മാധ്യമങ്ങളുടെയും ഇടപെടലുകള്‍ വിഷയം അന്താരാഷ്ട്ര ശ്രദ്ധയിലേക്ക് കൊണ്ടു വരുന്നു… ഡാനിസ് തനോവിച്ച് സംവിധാനം ചെയ്ത 98 മിനിറ്റുള്ള ചിത്രം മലയാളം സബ് – ടൈറ്റിലുകളോടെയാണ് പ്രദര്‍ശിപ്പിക്കുന്നത്. പ്രവേശനം സൗജന്യം.
