ഇരിങ്ങാലക്കുട : ക്രൈസ്റ്റ് കോളേജ് കോമേഴ്‌സ് സെല്‍ഫ് ഫിനാന്‍സ് വിഭാഗത്തിന്റെയും മാനേജ്‌മെന്റ് സ്റ്റഡീസ് വിഭാഗത്തിന്റെയും സംയുക്താഭിമുഖ്യത്തില്‍ സംഘടിപ്പിച്ച ഇന്റര്‍ കോളേജ് മാനേജ്‌മെന്റ് ഫെസ്റ്റ് ജൂഗോസ് 2018ന് സമാപനമായി.രണ്ട് ദിവസങ്ങളിലായി നടത്തിയ എട്ട് തരം മത്സരത്തില്‍ 54 ടീമുകള്‍ പങ്കെടുത്തു.ക്രൈസ്റ്റ് കോളേജ് പ്രിന്‍സിപ്പാള്‍ ഇന്‍ ചാര്‍ജ്ജ് മാത്യൂ പോള്‍ ഊക്കന്‍ മത്സരങ്ങള്‍ ഉദ്ഘാടനം ചെയ്തു.സമാപനയോഗത്തില്‍ കെ എല്‍ എഫ് ഓയില്‍മില്‍ മാനേജിംങ്ങ് ഡയറക്ടര്‍ പോള്‍ ഫ്രാന്‍സിസ് വിജയികള്‍ക്ക് സമ്മാനദാനം നടത്തി.വൈസ് പ്രിന്‍സിപ്പാള്‍ ഫാ.ജോളി ആന്‍ഡ്രൂസ് കോമേഴ്‌സ് വിഭാഗം കോഡിനേറ്റര്‍ പ്രൊഫ.കെ ജെ ജോസഫ്,മാനേജ്‌മെന്റ് സ്റ്റഡീസ് വിഭാഗം കോഡിനേറ്റര്‍ പ്രൊഫ.കെ എ ഡേവീസ് എന്നിവര്‍ ആശംസകള്‍ നേര്‍ന്നു.പ്രൊഫ.അല്‍ നിഷാല്‍ പരിപാടികള്‍ക്ക് നേതൃത്വം നല്‍കി.
