മുരിയാട് : പഞ്ചായത്തില്‍ പച്ചക്കറിയില്‍ സ്വയം പരപ്തത കൈവരിക്കുന്നതിന്റെ ഭാഗമായി 17-18 വാര്‍ഷിക പദ്ധതിയില്‍ നാല് ലക്ഷം രൂപ ഉള്‍പ്പെടുത്തി കൊണ്ട് പഞ്ചായത്തിലെ അര്‍ഹരായ എല്ലാ വനിതകള്‍ക്കും പച്ചക്കറിവിത്ത്, തൈ, കൂലി ചിലവ് സബ്‌സിഡി എന്നിവ നല്‍കുന്നു. അടുത്ത മൂന്ന് വര്‍ഷത്തിനുള്ളില്‍ ഇരുപത് ഹെക്ടര്‍ സ്ഥലത്തേക്കങ്കിലും ജൈവ പച്ചക്കറി വ്യാപിക്കുകയാണ് ഭരണസമിതിയുടെ തിരുമാനമെന്ന് പ്രസിഡന്റ് സരള വിക്രമന്‍ ഉല്‍ഘാടനം ചെയ്തു കൊണ്ട് പ്രസംഗിച്ചു.സ്റ്റാന്‍ഡിംഗ് ചെയര്‍പേഴ്‌സണ്‍ അജിത രാജന്‍, പ്രതിപക്ഷ നേതാവ് തോമസ് തൊകലത്ത്, പഞ്ചായത്ത് അംഗങ്ങളായ ശാന്ത മോഹന്‍ദാസ്, വല്‍സന്‍ ടി വി, ജോണ്‍സണ്‍ എ എം, കൃഷി ആപ്പിസര്‍ രാധിക കെ യു ,അസ്സിസ്റ്റ്മാരായ കെ എം രമ്യ, സുകന്യ വി എം എന്നിവര്‍ പ്രസംഗിച്ചു.
