വെള്ളാങ്ങല്ലൂര്‍: വെള്ളാങ്ങല്ലൂര്‍ ബി.ആര്‍.സി.യുടെ നേതൃത്വത്തില്‍ ഭിന്നശേഷിയുള്ള വിദ്യാര്‍ഥികള്‍ക്കായുള്ള ദ്വിദിന സഹവാസ ക്യാമ്പ് ആരംഭിച്ചു. വി.ആര്‍.സുനില്‍കുമാര്‍ എം.എല്‍.എ.ക്യാമ്പ് ഉദ്ഘാടനം ചെയ്തു. വെള്ളാങ്ങല്ലൂര്‍ ബ്ലോക്ക് പഞ്ചായത്ത് പ്രസിഡന്റ് ഷാജി നക്കര അധ്യക്ഷനായി. ബി.പി.ഒ. പ്രസീത, ഇന്ദിരതിലകന്‍, പ്രസന്ന അനില്‍കുമാര്‍, വി.വി.മീര, ഉണ്ണികൃഷ്ണന്‍ കുറ്റിപറമ്പില്‍,കെ.സി.ബിജു, രജനി സതീഷ്, കെ.എച്ച്.അബ്ദുള്‍നാസര്‍, എ.കെ.മജീദ്, ടി.ആര്‍.സുനില്‍, വി.എച്ച്.വിജേഷ്, രേണുകസുഭാഷ് എന്നിവര്‍ പ്രസംഗിച്ചു. കുട്ടികളുടെ വിവിധ കഴിവുകള്‍ പ്രകടിപ്പിക്കാനുള്ള അവസരം ഒരുക്കും. ക്യാമ്പിന്റെ ഭാഗമായി പഠനയാത്രയും ഒരുക്കിയിട്ടുണ്ട്. ക്യാമ്പ് വ്യാഴാഴ്ച സമാപിക്കും.
