ഇരിങ്ങാലക്കുട: നാലാമത് വലിയങ്ങാടി അമ്പുഫെസ്റ്റിവലിന്റെ സ്വാഗതസംഘം ഓഫീസ് ഉദ്ഘാടനം ചെയ്തു. കത്തീഡ്രല്‍ വികാരി ഫാ.ആന്റോ ആലപ്പാടന്റെ അധ്യക്ഷതയില്‍ ഇരിങ്ങാലക്കുട എം എല്‍ എ പ്രൊഫ. കെ.യു.അരുണന്‍ ഉദ്ഘാടനം നിര്‍വ്വഹിച്ചു. ഇരിങ്ങാലക്കുട മുനിസിപ്പാലിറ്റി വികസന കമ്മിറ്റി ചെയര്‍മാന്‍ വി.സി. വര്‍ഗ്ഗീസ്, പ്രതിപക്ഷ നേതാവ് വി.എസ്.ശിവകുമാര്‍, ഫെസ്റ്റിവല്‍ രക്ഷാധികാരികളായ മാര്‍ട്ടിന്‍ ആലേങ്ങാടന്‍, തോമാച്ചന്‍ വെള്ളാനിക്കാരന്‍, ജോണി പി. ആലേങ്ങാടന്‍, സെക്രട്ടറി ജോണി ടി. വെള്ളാനിക്കാരന്‍ എന്നിവര്‍ ആശംസകള്‍ അര്‍പ്പിച്ചു സംസാരിച്ചു. പോള്‍ ജെ. ആലേങ്ങാടന്‍ സ്വാഗതവും ട്രഷര്‍ മനീഷ് അരിക്കാട്ട് നന്ദിയും പറഞ്ഞു.
