ഇരിങ്ങാലക്കുട: വൈക്കം കഥകളി ആസ്വാദക സംഘം ആദ്യമായി ഏര്‍പ്പെടുത്തിയ കലാമണ്ഡലം വൈക്കം കരുണാകരന്‍നായര്‍ പുരസ്‌കാരം സദനം കൃഷ്ണന്‍കുട്ടി ആശാന് സമ്മാനിക്കും. അഷ്ടമി മഹോത്സവത്തോട് അനുബന്ധിച്ച് വൈക്കം മഹാദേവക്ഷേത്രത്തില്‍ വച്ച് നാളെ (6.12.17) പുരസ്‌കാരം സമ്മാനിക്കും. സുവര്‍ണമുദ്ര, ഫലകം, പൊന്നാട എന്നിവയടങ്ങുന്നതാണ് പുരസ്‌കാരം. തുടര്‍ന്ന് കര്‍ണശപഥം കഥകളിയില്‍ സദനം കൃഷ്ണന്‍കുട്ടി ആശാന് കര്‍ണ്ണനായി അരങ്ങിലെത്തും.
