മൂര്‍ക്കനാട്: മൂര്‍ക്കനാട് സെന്റ് ആന്റണീസ് ഹൈസ്‌കൂളിന്റെ 72-ാം വാര്‍ഷികം ആഘോഷിച്ചു. വാര്‍ഷികത്തോടനുബന്ധിച്ച് അധ്യാപക- രക്ഷാകര്‍ത്തൃ യോഗവും, മാതൃസംഗമവും, സര്‍വ്വീസില്‍ നിന്നും വിരമിക്കുന്ന അധ്യാപികമാരായ അനിത കെ. തട്ടില്‍, ആനി ടി.എം., റൂബി തോമസ് എന്നിവരുടെ യാത്രയയപ്പും, അനുമോദന ചടങ്ങും നടന്നു. എസ്.എസ്.എല്‍.സി പരീക്ഷയില്‍ മുഴുവന്‍ എ പ്‌ളസ് നേടിയ വിദ്യാര്‍ത്ഥികളേയും, രാഷ്ട്രപതി സ്‌കൗട്‌സ് & ഗൈഡ്‌സിനേയും, മാജിക് ബലൂണ്‍ ആക്ടിംഗില്‍ ഇന്ത്യന്‍ വേള്‍ഡ് റെക്കോഡ്‌സിന്റെ ബെസ്റ്റ് പെര്‍ഫോമറായി തെരഞ്ഞെടുക്കപ്പെട്ട ആന്‍ജോ പി. ആന്റോജിയേയും യോഗത്തില്‍ അനുമോദിച്ചു. യോഗം പ്രൊഫ. കെ.യു. അരുണന്‍ എം.എല്‍.എ ഉദ്ഘാടനം ചെയ്തു. മുനിസിപ്പല്‍ ചെയര്‍പേഴ്‌സണ്‍ നിമ്യ ഷിജു സമ്മാനദാനവും, അധ്യാപക രരക്ഷാകര്‍ത്തൃ സമിതി പ്രസിഡന്റ് യു.എച്ച്. ഷാജഹാന്‍ ഉപഹാരസമര്‍പ്പണവും നടത്തി. ഇരിങ്ങാലക്കുട കോര്‍പ്പറേറ്റ് മാനേജര്‍ ഫാ.ജോയ് പാറേമന്‍ മുഖ്യപ്രഭാഷണം നടത്തി. സ്‌കൂള്‍ മാനേജര്‍ ഫാ.ജസ്റ്റിന്‍ വാഴപ്പിള്ളി അധ്യക്ഷത വഹിച്ച യോഗത്തില്‍ പ്രധാമ അധ്യാപിക ലീന ടി.ജോണ്‍ സ്വാഗതവും, പി.ടി.എ. സെക്രട്ടറി റഷീദ പി.എം. നന്ദിയും പറഞ്ഞു. ഇരിങ്ങാലക്കുട ഡി.ഇ.ഒ. ഉഷാകുമാരി പി, മുനിസിപ്പല്‍ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ എം.ആര്‍.ഷാജു, 1-ാം വാര്‍ഡ് കൗണ്‍സിലര്‍ കെ.കെ. അബ്ദുള്ളകുട്ടി, 41-ാം വാര്‍ഡ് കൗണ്‍സിലര്‍ എ.ആര്‍ സഹദേവന്‍, മൂര്‍ക്കനാട് എച്ച്.എസ്.എസ്. പ്രിന്‍സിപ്പാള്‍ മോളി എം.ടി., മൂര്‍ക്കനാട് എല്‍.പി.എസ്. പ്രധാനാദ്ധ്യാപിക റാണി ജോണ്‍, എം.പി.ടി.എ. പ്രസിഡന്റ് സിന്ധു കാര്‍ത്തികേയന്‍, സ്റ്റാഫ് സെക്രട്ടറി ലില്ലി പി.എന്‍., മാനേജ്‌മെന്റ് പ്രതിനിധി സി.ജെ.പോള്‍, ഒ.എസ്.എ. പ്രസിഡന്റ് കെ.എം. മോഹനന്‍, മുന്‍ പ്രധാന അദ്ധ്യാപിക സ്‌കൂള്‍ ലീഡര്‍ ആകാശ് കെ.കെ., അനിത കെ. തട്ടില്‍, ആനി.ടി.എം., റൂബി തോമസ് എന്നിവര്‍ സംസാരിച്ചു.
