ഇരിങ്ങാലക്കുട: ഒഡീസയിലെ ഭുവനേശ്വറില്‍ നടന്ന ദേശീയ ടെന്നീസ് വോളിബോള്‍ ചാമ്പ്യന്‍ഷിപ്പില്‍ വനിത വിഭാഗത്തിലും മിക്സ്ഡ് ഡബ്ബിള്‍സിലും കേരള ടീം രണ്ടാം സ്ഥാനം നേടി. ടൂര്‍ണ്ണമെന്റിന് ശേഷം തിരിച്ചെത്തിയ ടീമിന് ജില്ലാ ടെന്നിസ് വോളിബോള്‍ അസോസിയേഷനും കരുവന്നൂര്‍ സഹകരണ ബാങ്കും സ്വീകരണം നല്‍കി. അസോസിയേഷന്‍ ജില്ലാ പ്രസിഡന്റ് സാജു പാറേക്കാടന്‍ ഉദ്ഘാടനം ചെയ്തു. വൈസ് പ്രസിഡന്റ് സോണിയാ ഗിരി അധ്യക്ഷയായിരുന്നു. ബാങ്ക് വൈസ് പ്രസിഡന്റ് ടി.ആര്‍ ഭരതന്‍ മുഖ്യാതിഥിയായിരുന്നു. ഇരിങ്ങാലക്കുട റെയില്‍വേ സ്റ്റേഷന്‍ മാസ്റ്റര്‍ കെ.എ കൃഷ്ണകുമാര്‍, ചീഫ് റിസര്‍വ്വേഷന്‍ ഓഫീസര്‍ ശിവകുമാര്‍, മഹേഷ് കൊരമ്പില്‍, ടി.ആര്‍ സുനില്‍കുമാര്‍, ജോണി താക്കോല്‍ക്കാരന്‍, പി.എസ് വിശ്വംഭരന്‍, ജോണ്‍സന്‍ കെ.എ എന്നിവര്‍ സംസാരിച്ചു.
