ഇരിങ്ങാലക്കുട: കരാഞ്ചിറ ബിഷപ്പ് ആലപ്പാട്ട് മിഷന്‍ ആശുപത്രിയുടെയും ഇന്ത്യന്‍ മെഡിക്കല്‍ അസോസിയേഷന്‍ ഇരിങ്ങാലക്കുട ശാഖയുടെയും സംയുക്ത ആഭിമുഖ്യത്തില്‍ ‘വയോജവ സൗഹൃദ ആരോഗ്യ പരിപാലന പദ്ധതിയുടെ ഉദ്ഘാടനം 2017 നവംബര്‍ 30 വ്യാഴാഴ്ച രാവിലെ 11 മണിക്ക് ആശുപത്രി അങ്കണത്തില്‍ വച്ച് എം.എല്‍.എ. പ്രൊഫ.കെ.യു.അരുണന്‍ നിര്‍വ്വഹിക്കുന്നു. കഴിഞ്ഞ 50ഓളം വര്‍ഷങ്ങളായി കാട്ടൂര്‍, കരാഞ്ചിറ, എടത്തിരുത്തി, പൊറത്തിശ്ശേരി, കാറളം,താണിശ്ശേരി, എടമുട്ടം, ചിറക്കല്‍ എന്നീ പ്രദേശങ്ങളിലെ ആരോഗ്യപ്രശ്‌നങ്ങള്‍ക്ക് ഒരു കൈത്താങ്ങാണ് കരാഞ്ചിറ ബിഷപ്പ് ആലപ്പാട്ട് മിഷന്‍ ആശുപത്രി. വര്‍ഷങ്ങളായുള്ള സഹായ-സേവനങ്ങള്‍ക്ക് പുതിയ മാനം നല്‍കി ഈ ഒരു വര്‍ഷം ‘വയോജന സൗഹൃദ വര്‍ഷ’മായി കൊണ്ടാടുവാന്‍ തീരുമാനിച്ചിരിക്കുന്നു. 30ന് നടക്കുന്ന ഉദ്ഘാടന ചടങ്ങില്‍ കാട്ടൂര്‍ ഗ്രാമപഞ്ചായത്ത് പ്രസിഡന്റ് മനോജ് വലിയ പറമ്പില്‍ അധ്യക്ഷത വഹിക്കും. ഇരിങ്ങാലക്കുട ശാഖ ഐ.എം.എ. പ്രസിഡന്റും ഈ പദ്ധതിയുടെ ചെയര്‍മാനുമായ ഡോ.എം.എം.ഹരീന്ദ്രനാഥന്‍ (ഡി.എല്‍.ഒ., ഇ.എന്‍.ടി.സ്‌പെഷ്യലിസ്റ്റ്) പദ്ധതിവിവരണം നടത്തുന്നു. ഡോ.ജോം ജേക്കബ് നെല്ലിശ്ശേരി (എം.ഡി., ബി.എ.എം.എച്ച്, കരാഞ്ചിറ & പ്രോഗ്രാം കോ-ഓര്‍ഡിനേറ്റര്‍) പദ്ധതി പ്രവര്‍ത്തനങ്ങള്‍ വിശദീകരിക്കുന്നു. ഡോ.ഹരീന്ദ്രനാഥന്‍ (എ.എം.എ. പ്രസിഡന്റ്), രക്ഷാധികാരി സി.സീമ, പ്രോഗ്രാം കോ-ഓര്‍ഡിനേറ്റര്‍  ഡോ.ജോം ജെക്കബ്, ലൈസ പോള്‍, സ്റ്റുഡന്റ് റപ്രസന്റേറ്റീവ് ഹരിത ജോസ് എന്നിവര്‍ പത്രസമ്മേളനത്തില്‍ പങ്കെടുത്തു.

LEAVE A REPLY

Please enter your comment!
Please enter your name here