അക്ഷരമൂല
കൂട്ടയി കൂട്ടമായി കൂര്‍ക്ക കൃഷി -രണ്ടാംഘട്ട വിളവെടുപ്പ്

ഇരിങ്ങാലക്കുട ബോയ്‌സ് സ്‌ക്കൂളില്‍ രണ്ടാംഘട്ട  കൂര്‍ക്ക വിളവെടുപ്പ് നടത്തി .ഇത്തവണ എന്‍.എസ്.എസ് വളണ്ടിയേഴ്‌സ് തരിശു ഭൂമി കൃഷിയിടമാക്കിയ സ്ഥലത്ത് കൂര്‍ക്കകൃഷി നടത്തി നല്ല വിളവ് ലഭിച്ച സന്തോഷത്തിലാണ്.2 സെന്റ് ഭൂമിയില്‍ നിന്നു മാത്രം 50 കി.ഗ്രാം. കൂര്‍ക്ക വിളവെടുക്കാനായി എന്നത് കൗമാര കര്‍ഷകര്‍ക്ക്  അത്ഭുതാവഹമാകുകയും കൃഷിയില്‍ കൂടുതല്‍ താത്പര്യം വളരാനും സഹായകമായി.ഔപചാരിക വിപണോദ്ഘാടനം മുനിസിപ്പല്‍ ചെയര്‍ പേഴ്‌സണ്‍ മേരിക്കുട്ടി ജോയി നിര്‍വ്വഹിച്ചു.ജൈവരീതിയില്‍ ചെയ്ത വിളവായതിനാല്‍ ആവശ്യക്കാര്‍ ഏറെയായിരുന്നു.വൃത്തിയാക്കിയ കൂര്‍ക്ക -മൂല്യ വര്‍ദ്ധിത ഉത്പന്നമായി വിപണനത്തിന് തയ്യാറാക്കാന്‍ വിദ്യാര്‍ത്ഥികള്‍ മുന്‍കൈയ്യെടുത്തതും പ്രോത്സാഹന ജനകമായി.കൃഷിയില്‍ നിന്നും ലഭിക്കുന്ന പണം പഠനത്തില്‍ മിടുക്കരായ പാവപ്പെട്ട കുട്ടികള്‍ക്ക് നല്‍കാന്‍ കുട്ടികളെടുത്ത് തീരുമാനം ഏവരുടേയും പ്രശംസ പിടിച്ചു പറ്റി.

View Comments

ജ്യോതിസ് കോളേജില്‍ 'സൂപ്പര്‍ 20' പ്രോഗ്രാമും ഹൈടെക്ക് സെമിനാര്‍ ഹാളും ഉദ്ഘാടനം ചെയ്തു
ഇരിങ്ങാലക്കുട: വിദൃാര്‍ത്ഥികളുടെ നൈപുണൃവികസനം ലക്ഷ്യം വച്ച്‌ ജ്യോതിസ് കോളേജ് സംഘടിപ്പിക്കുന്ന 20 പരിപാടികളുടെ സമാഹാരമാണ് സൂപ്പര്‍ 20 പദ്ധതിയില്‍ ഉള്‍പ്പെട്ടിരിക്കുന്നത്. പുതുമ തേടുന്ന പുതു തലമുറക്ക് മുന്നില്‍ വൈവിധ്യമാര്‍ന്ന പരിപാടികളിലൂടെ മികച്ച വിദ്യാഭ്യാസവും, തോഴിലും, കരിയറും പ്രധാനം ചെയ്യാന്‍ ഉപയുക്തമായ പദ്ധതിയാണ് സൂപ്പര്‍ 20 പ്രോഗ്രാം. ഐക്യു,ഇ ക്യു സന്തുലനത്തിലൂടെ ജീവിത വിജയത്തിനും ലക്ഷ്യ സാക്ഷാത്ക്കാരത്തിനും വിദ്യാര്‍ത്ഥികളെ പ്രച്ചോദിപ്പിക്കുന്നതാണ് പദ്ധതി. സൂപ്പര്‍ 20 പ്രോഗ്രാം, ചാവറ മെമ്മോറിയല്‍ ഹൈടക്ക് സെമിനാര്‍ ഹാളും കാത്തോലിക് സെന്റര്‍ അഡ്മിനിസ്‌ട്രേറ്റര്‍ ഫാദര്‍ ജോയ് പീനിക്കപ്പറമ്പില്‍ ഉദ്ഘാടനം ചെയ്തു. പ്രിന്‍സിപ്പല്‍ പ്രൊഫസര്‍ എ എം വര്‍ഗീസ് അധ്യക്ഷത വഹിച്ചു. ജ്യോതിസ് ഗ്രൂപ്പ് ചെയര്‍മാന്‍ ജോസ് ജെ ചിറ്റിലപ്പിള്ളി പദ്ധതി വിശദീകരിച്ചു. ബ്ലെസ്സി സാജു, ബിജു വര്‍ഗീസ് എന്നിവര്‍ ആശംസ അര്‍പ്പിച്ചു . എക്‌സിക്യൂട്ടീവ് ഡയറക്ടര്‍ ഹുസൈന്‍ എം എ സ്വാഗതവും പ്രിയ ബൈജു നന്ദിയും പറഞ്ഞു.
മരങ്ങള്‍ സംരക്ഷിക്കാന്‍ സീഡ്‌ വിദ്യാര്‍ഥികളുടെ സര്‍വ്വേ
കയ്‌പമംഗലം. ദേശീയ പാതയോരത്തെ പൊതു മരങ്ങള്‍ സംരക്ഷിക്കണമെന്നാവശ്യപ്പെട്ട്‌ പെരിഞ്ഞനം ഗവ.യു.പി. സ്‌ക്കൂളിലെ മാതൃഭൂമി സീഡ്‌ വിദ്യാര്‍ഥികള്‍ പഞ്ചായത്ത്‌ സെക്രട്ടറിക്ക്‌ പരാതി നല്‍കി. പൊതു മരങ്ങള്‍ സംരക്ഷിക്കുന്നതിനായി കേരള ഹൈക്കോടതി പുറപ്പെടുവിച്ച നിയമം നടപ്പാക്കണമോന്നാവശ്യപ്പെട്ടാണ്‌ പരാതി. ഇതിനായി പെരിഞ്ഞനം മുതല്‍ മൂന്നു പീടികവരെയുള്ള പ്രദേശങ്ങളിലെ പൊതുമരങ്ങളുടെ സര്‍വ്വേ നടത്തിയ റിപ്പോര്‍ട്ട്‌ സഹിതമാണ്‌ കുട്ടികള്‍ പരാതി നല്‍കിയത്‌. പൊതുമരങ്ങളില്‍ ആണിയടിച്ചും പരസ്യബോര്‍ഡുകള്‍ നാട്ടിയും നശിപ്പിക്കപ്പെട്ടുകൊണ്ടിരിക്കുകയാണെന്ന്‌ സര്‍വ്വേയില്‍
ശാന്തിനികേതന്‍ കിന്റര്‍ ഗാര്‍ട്ടന്‍കിഡ്‌സ്‌ഫെസ്റ്റ്‌ എക്‌സോട്ടിക്ക 2014 സംഘടിപ്പിച്ചു
ഇരിങ്ങാലക്കുട ശാന്തിനികേതന്‍ പബ്ലിക്‌ സ്‌കൂളിലെ കിന്റര്‍ഗാര്‍ട്ടന്‍ കിഡ്‌സ്‌ഫെസ്റ്റ്‌ എക്‌സോട്ടിക്ക 2014 ഉദ്‌ഘാടനം പ്രശസ്‌ത ബാലസാഹിത്യകാരന്‍ സിപ്പി പള്ളിപുറം നിര്‍വ്വഹിച്ചു. എസ്‌.എന്‍.ഇ.എസ്‌. ചെയര്‍മാന്‍ അഡ്വ. കെ.ആര്‍. അച്ചുതന്‍ അദ്ധ്യക്ഷത വഹിച്ചു. പ്രിന്‍സിപ്പള്‍ ടി.കെ. ഉണ്ണികൃഷ്‌ണന്‍, എ.എ. ബാലന്‍, നിഷാ ജിജോ, സജിതങ്കപ്പന്‍, സിബിന്‍ പെരേര, പി.ടി.എ. പ്രസിഡണ്ട്‌ രാജേഷ്‌ എന്നിവര്‍ സംസാരിച്ചു. 100 years of cinema എന്ന പേരില്‍ സിനിമാഗാനങ്ങളെ കോര്‍ത്തിണക്കി കൊണ്ട്‌ കുട്ടികള്‍ അവതരിപ്പിച്ച പരിപാടി എല്ലാവരുടെയും ശ്രദ്ധ ആകര്‍ഷിച്ചു