ഇരിഞ്ഞാലക്കുട ; ഡോണ്‍ ബോസ്‌കോ സ്‌കൂളിന്റെ 55-ാമത് വാര്‍ഷീകവും സാംസ്‌കാരികസംഗമവും ജനുവരി ഇരുപത്തിയേഴാം തിയതി ശനിയാഴ്ച വൈകുന്നേരം തൃശൂര്‍ റേഞ്ച് ഐ. ജി. എം ആര്‍ അജിത്കുമാര്‍ IPS ഉദ്ഘാടനം ചെയ്തു.ഇരിഞ്ഞാലക്കുട രൂപതാ മെത്രാന്‍ മാര്‍ പോളി കണ്ണൂക്കാടന്‍ തന്റെ അദ്യക്ഷപ്രസംഗത്തിലൂടെ വിദ്യാര്‍ത്ഥികളും, മാതാപിതാക്കന്മാരും മൂല്യങ്ങളും നന്മകളും വിജയങ്ങളും നേടിയെടുക്കുവാന്‍ പരിശ്രമിക്കേണ്ടതിന്റെ ആവശ്യകതയെക്കുറിച്ച് സംസാരിച്ചു.നഗരസഭ ചെയര്‍പേഴ്‌സണ്‍ നിമ്യാഷിജു മുഖ്യാതിഥിയായിരുന്നു.റിട്ടയര്‍ ചെയ്യുന്ന അധ്യാപകരായ ലാലി ജോര്‍ജ്,ലിസ്സ പവല്‍ എന്നിവരെ ചടങ്ങില്‍ ആദരിച്ചു.തുടര്‍ന്ന് കുട്ടികളുടെ കലാപരിപാടികള്‍ ഉണ്ടായിരുന്നു. വര്‍ത്തമാനകാലഘട്ടത്തില്‍ സാമൂഹികമാധ്യമങ്ങള്‍ക്കുള്ള പ്രസക്തിയും അവ ഉയര്‍ത്തുന്ന വെല്ലുവിളികളും കുട്ടികള്‍ നാട്യ-നൃത്ത-കലാരൂപങ്ങളിലൂടെ അവതരിപ്പിച്ചു.
