തൊഴില്‍ ക്ഷമതയുള്ളവരാകാന്‍ വിദ്യാര്‍ത്ഥികള്‍ കരിക്കുലത്തിനു പുറത്തുള്ള സാങ്കേതിക വിദ്യകളിലും പ്രാവീണ്യം നേടണം : ഫാ ജോണ്‍ പാലിയേക്കര സി.എം.ഐ

350

ഇരിങ്ങാലക്കുട: വെല്ലുവിളികളും മത്സരവും നിറഞ്ഞ പുതിയ കാലത്ത് തൊഴില്‍ ക്ഷമതയുള്ളവരാകണമെങ്കില്‍ കരിക്കുലത്തിനു പുറത്തുള്ള സാങ്കേതിക വിദ്യകളിലും വിദ്യാര്‍ത്ഥികള്‍ പ്രാവീണ്യം നേടണമെന്നു ക്രൈസ്റ്റ് എഞ്ചിനീയറിംഗ് കോളേജ് എക്‌സിക്യൂട്ടീവ് ഡയറക്ടര്‍ ഫാ.ജോണ്‍.പാലിയേക്കര.സി.എം.ഐ അഭിപ്രായപ്പെട്ടു.ക്രൈസ്റ്റ് എഞ്ചിനീയറിംഗ് കോളേജില്‍ ഐ.ഇ.ടി.ഇ  കൊച്ചി കേന്ദ്രത്തിന്റെ സഹകരണത്തോടെ ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍ വിഭാഗം സംഘടിപ്പിച്ച എംബെഡഡ് സിസ്റ്റംസ് ഡിസൈന്‍ വര്‍ക്‌ഷോപ്പില്‍ സമാപന സന്ദേശം നല്‍കുകയായിരുന്നു അദ്ദേഹം. അതിന് ഇത്തരം പരിശീലന പരിപാടികള്‍ സഹായിക്കുമെന്ന് അദ്ദേഹം കൂട്ടിച്ചേര്‍ത്തു.ജൂലൈ 25 ന് ആരംഭിച്ച വര്‍ക്ക് ഷോപ്പ് 30 നു സമാപിച്ചു.
വര്‍ക്ക് ഷോപ്പില്‍ വിദ്യാര്‍ത്ഥികള്‍ക്ക് ആര്‍ഡിനോ, ഐ.ഓ.ടി, റാസ്പ് ബെറി പൈ എന്നീ സാങ്കേതിക വിദ്യകളില്‍ പ്രായോഗിക പരിശീലനം നല്‍കി.ഇലക്ട്രോണിക്‌സ് ആന്‍ഡ് കമ്മ്യൂണിക്കേഷന്‍ വിഭാഗം മേധാവി രാജീവ്.ടി.ആര്‍, ലാബ് ഇന്‍സ്ട്രക്ടര്‍മാരായ സനല്‍.ടി.എം, റീസണ്‍.ടി.ടി എന്നിവര്‍ ക്ലാസ്സുകള്‍ക്ക് നേതൃത്വം നല്‍കി. 30നു നടന്ന സമാപന സമ്മേളനത്തില്‍ പങ്കെടുത്ത വിദ്യാര്‍ത്ഥികള്‍ക്കും വോളന്റീര്‍മാര്‍ക്കും ഐ.ഇ.ടി.ഇ യുടെ സര്‍ട്ടിഫിക്കറ്റുകള്‍ വിതരണം ചെയ്തു.ഏറ്റവും മികച്ച രീതിയില്‍ വര്‍ക്ക് ഷോപ്പ് പൂര്‍ത്തിയാക്കിയ വിഷ്ണു പ്രസാദ്.കെ.കെ, മുഹമ്മദ് ഷാമില്‍ എന്നിവരെ ഐ.ഇ.ടി.ഇ എക്‌സലന്‍സ് സര്‍ട്ടിഫിക്കേറ്റ് നല്‍കി ആദരിച്ചു.ജോയിന്റ് ഡയറക്ടര്‍ ഫാ.ജോയ്.പയ്യപ്പിള്ളി, പ്രിന്‍സിപ്പല്‍ ഡോ.സജീവ്.ജോണ്‍, വൈസ് പ്രിന്‍സിപ്പല്‍ ഡോ.വി.ഡി.ജോണ്‍,വിദ്യാര്‍ത്ഥി പ്രതിനിധികള്‍ തുടങ്ങിയവര്‍ പ്രസംഗിച്ചു.

 

 

Advertisement