ഇരിങ്ങാലക്കുട: കമലേഷ്ചന്ദ്ര കമ്മിറ്റിയുടെ അനുകൂല ശുപാര്‍ശകള്‍ അംഗീകരിച്ചുകൊണ്ട് ജി.ഡി.എസ്. വേതന പരിഷ്‌കരണം നടപ്പിലാക്കുന്നതിനും, അവകാശപത്രികയിലെ മറ്റു ഡിമാന്റുകള്‍ അംഗീകരിപ്പിക്കുന്നതിനാുമായി എന്‍.എഫ്.പി.ഇ. സംഘടിപ്പിക്കുന്ന ശക്തമായ പ്രക്ഷോഭ പരിപാടികളുടെ ഭാഗമായി ഇരിങ്ങാലക്കുട ഡിവിഷണല്‍ യൂണിറ്റിന്റെ നേതൃത്വത്തില്‍ ഇന്ന് രാവിലെ മുതല്‍ നിരാഹാര സമരം ആരംഭിച്ചിരിക്കുന്നു. കേന്ദ്രസര്‍ക്കാരിന് കമലേഷ് ചന്ദ്ര റിപ്പോര്‍ട്ട് സമര്‍പ്പിച്ചിട്ട് തികഞ്ഞതിന്റെ ഭാഗമായാണ് സമര പരിപാടികള്‍ അരങ്ങേറുന്നത്. കോണ്‍ഫെഡറേഷന്‍ സംസ്ഥാന സെക്രട്ടറി ശ്രീകുമാര്‍ വി. ഉദ്ഘാടനം ചെയ്തു. എല്‍.സി.സി. ചെയര്‍മാന്‍ സുധാകരന്‍ ബി.കെ.അധ്യക്ഷത വഹിച്ചു. മോഹന്‍ദാസ് പി.പി. സ്വാഗതം പറഞ്ഞു. എന്‍.എഫ്.പി.ഇ. സര്‍ക്കിള്‍ ഓര്‍ഗനൈസേഷന്‍ സെക്രട്ടറി സുഗതന്‍ കെ.എസ്., ശബരീഷ് ഇ.ഇ.,ശക്തിധരന്‍ ടി.കെ., പി.ഡി.ബിജു., വാസു ഒ.എസ്. എന്നിവര്‍ അഭിവാദ്യങ്ങള്‍ അര്‍പ്പിച്ചു സംസാരിച്ചു.
