മുരിയാട്: ഗ്രാമപഞ്ചായത്തിലെ 12-ാം വാര്‍ഡില്‍ അനധികൃതമായി പ്രവര്‍ത്തിക്കുന്ന കാറ്ററിങ്ങ് സെന്ററിനെതിരെ പഞ്ചായത്ത് വൈസ് പ്രസിഡന്റ് രംഗത്ത്. പഞ്ചായത്ത് വൈസ് പ്രസിഡന്റ് ഷാജു വെളിയത്താണ് നടപടിയെടുക്കാത്തതിന് ഖേദം പ്രകടിപ്പിച്ച് സെക്രട്ടറിക്ക് കത്ത് നല്‍കിയിരിക്കുന്നത്. നേരത്തെ മലിനജലം പുറത്തേക്ക് ഒഴുക്കുന്നുവെന്ന ഷാജു വെളിയത്തിന്റെ പരാതിയില്‍ പഞ്ചായത്ത് സെക്രട്ടറി കാറ്ററിങ്ങ് സെന്ററിന് സ്റ്റോപ്പ് മെമ്മോ നല്‍കിയിരുന്നു. എന്നാല്‍ സ്റ്റോപ്പ് മെമ്മോ നല്‍കി ഒരാഴ്ചയായിട്ടും പഞ്ചായത്ത് നടപടിയെടുത്തിട്ടില്ല. ഇതുമൂലം ഇപ്പോഴും കാറ്ററിങ്ങ് സര്‍വ്വീസ് സെന്റര്‍ അനധികൃതമായി പ്രവര്‍ത്തിച്ചുവരികയാണ്. ഇതില്‍ പ്രതിഷേധിച്ചാണ് സി.പി.ഐ അംഗമായ ഷാജു വെളിയത്ത് പഞ്ചായത്ത് സെക്രട്ടറിക്ക് ഖേദം പ്രകടിപ്പിച്ച് കത്ത് നല്‍കിയത്.
